Kylian Mbappé te Real Madrid është një biznes që, në këtë pikë, do të t’i leverdiste si 24-vjeçarit, ashtu dhe spanjollëve e Paris Saint-Germain. Problemi i vërtetë është gjetja e një shifre që t’i lejojë francezëve të mund ta konsiderojnë një “fitore” maxi-transferimin e sulmuesit vetëm një vit nga skadimi i kontratës. Por në të njëjtën kohë nuk e detyron Florentino Perez të shpenzojë shumë para për një lojtar që brenda një viti do ta merrte me parametër zero. Sipas Marca, PSG ka treguar tashmë atë që ata e konsiderojnë një shifër të arsyeshme: 250 milionë euro. Ndërsa Reali me kënaqësi do të zbriste me 20-30 milionë. E mes gjithë kësaj situate është nëna e Mbappé që po përpiqet të arrijë një kompromis duke punuar në kontakt të ngushtë me klubet.
Pasi kuptoi se marrëdhënia me Mbappé ishte e pakthyeshme, PSG shpresonte që urat e arta të ofruara nga Arabia Saudite do ta bindnin lojtarin, të paktën për një vit, të largohej nga Europa. Duke e bërë këtë jo vetëm do të fitonin një shumë të jashtëzakonshme, por nuk do të përforconin një rival për Champions. Por ëndrra e francezit dihet prej vitesh: ai dëshiron vetëm Real Madrid. Kështu, hipotezat e tjera pak a shumë realiste, si ato që të çonin te Tottenham, Barcelona apo edhe Inter, rrëzohen.
Lexo më tej: Fraza e Marquinhos për Mbappè që tërboi drejtuesit e PSG: kapiteni nxirret direk në shitje
SHIFRAT E OPERACIONIT
Kjo është arsyeja pse telenovela pritet të përfundojë me Mbappé që do të zbarkojë nën urdhërat e Carlo Ancelotti. E kjo për një shifër që luhatet nga 200 deri në 250 milionë euro. Në të gjitha këto, nuk duhet nënvlerësuar puna e Fayza Lamarit, mamasë së Mbappé. Ajo së bashku me Kia Joorabchianm që është ndërmjetësi i caktuar nga PSG, do të bisedojnë për të arritur më në fund një marrëveshje.
Një lëvizje e shumëpritur, edhe për shkak se transferimi i Mbappé mund t'i japë një tronditje të madhe të gjithë merkatos evropiane për sulmuesit. Bashkë me Kane, në drejtim të Bayern Munich, mund të lëvizin edhe Vlahovic, Osimhen e Balogun...
