Shfaqja e Meghan Markle, Suits u shtua në Netflix më 23 korrik dhe po transmetohet gjithashtu në Peacock. Për javën nga 26 qershori deri më 2 korrik, "Suits" kishte 3.14 miliardë minuta kohë shikimi, sipas Hollywood Reporter.
Mes kësaj rritje të popullaritetit, një vazhdim nuk është i përjashtuar – por Markle ndoshta nuk do të ishte në të, tha producenti ekzekutiv Gene Klein. “Do të isha i befasuar nëse do të kishte një ribashkim, por do të isha gjithashtu i kënaqur nëse kjo do të ndodhte sepse kur bëni një shfaqje për kaq gjatë, të gjithë bëhen një mik kaq i mirë,” tha ai për TV Line. Por që kur Markle u martua me Princin Harry në 2018 – dhe u bë qendra e mediave për marrëdhëniet e tyre të tensionuara me familjen mbretërore – kthimi i saj në shfaqje është diçka që “do të supozoja se nuk është e mundur”, shtoi ai.
Megjithatë, edhe pse kthimi i Meghan nuk ka gjasa, interesi për "Suits" mund të nënkuptojë se do të ketë një ringjallje, pa Dukeshën e Sussex. “Që kur mësuam këtë lajm [për popullaritetin e fundit], kam shkëmbyer vetëm mesazhe me Aaron,” u shpreh gjithashtu Klein për TV Line. “I kam përmendur krijuesit të serialit, Aaron-it , në këtë epokë rinisjesh dhe ribashkimesh dhe gjithë këtyre gjërave të tjera, që pres një telefonatë në një moment. Por unë nuk jam në dijeni të ndonjë bisede serioze. Është vetëm një nga ato gjëra ku nuk do të habiteshit nëse dikush do t'ju telefononte një ditë. Por deri më tani, asgjë për të cilën jam në dijeni.”/Lapsi.al
