Në rrjetet sociale po qarkullon një foto e ish-Ministrit të Brendshëm, Saimir Tahiri nga qelia e burgut. Në foton që është publikuar nga Flamur Vezaj, duket ish-ministri në shoqërinë e Kelmend Balilit, i pagëzuar si Escobari i Ballkanit, me Safet Bajrin, një nga të arrestuarit e grupit Bajri në Shkodër dhe të një të burgosuri tjetër.
Pas lirimit të Saimir Tahirit nga burgu, avokati i tij, Maks Haxhia tregoi se një person me precedent të theksuar kriminal, në momentin kur kishte dalë nga burgu, i kishte shprehur keqardhje Saimir Tahirit që vuante ende dënimin.
"Më vjen turp që dal unë nga burgu dhe rrini ju", ishin fjalët, sipas avokatit Maks Haxhia, me të cilat ai i ishte drejtuar Saimir Tahirit. Më pas u mësua se bëhej fjalë për Safet Bajrin, person i lakuar në trafik droge, me të cilin thuhet se ish-ministri ka ndarë qelinë.
