Djali i anëtares së KLP-së, Rei Meta është lënë në burg nga Gjykata e shkallës së parë në Vlorë për vrasjen e inxhinerit Armando Meshau. Ai akuzohet për ‘vrasje nga pakujdesia’.
Çdo gjë nisi për një sipërfaqe toke, të cilën Rei Meta thoshte se kishte hyrë ai sekses për ta blerë ndërtuesi kundrejt një shume parash, por ky i fundit pretendonte se nuk i detyrohej asgjë pasi marrëveshjen e kishte arritur vetë me pronarët e tokës. Ishte kjo çështje e pazgjidhur që ndezi konfliktin mes Rein Metës dhe ndërtuesit.
Kujtojmë se vrasja ndodhi më 7 gusht, në një sallë interneti në Vlorë. Rei Meta shpesh luante rolin e sekserit për çështje të pronave në qytetin e Vlorës dhe dyshohet se influencën e tij e shtrinte duke përdorur emrin e së ëmës, Nurihan Seiti, prej vitesh anëtare Këshilli të Lartë të Prokurorisë.
