Policia italiane ka arrestur një 38-vjeçar shqiptar ndaj të cilit ishin lëshuar tre urdhër-arreste. Sipas mediave italiane, një patrullë e policisë rrugore të Sienës ka kontrolluar një furgon. Aty ndodheshin dy persona, një italian tashmë i njohur për policinë dhe një shtetas shqiptar, pa dokumente.
Punonjësit e policisë vunë re se diçka nuk shkonte dhe vendosën të hetonin më tej. Kështu, të dy shtetasit u shoqëruan në polici. Policia zbuloi emrin e vërtetë të shqiptarit dhe u zbulua se ai kishte 3 urdhër-arreste që ishin lëshuar për të.
