Një qendërmbrojtës, një mbrojtës i majtë dhe një sulmues. Këto janë tre profilet që Milani dëshiron të sjellë në shtëpi për të përfunduar merkaton e verës. Që, në fakt, është edhe i pari nën idetë e dyshes Furlani-Moncada. Goditjet e bër kanë qenë tashmë të shumta, por nuk ka mbaruar ende. Objektivi në shtëpinë e kuqezinjve është t'i japin më shumë thellësi skuadrës së teknikut Pioli. Vëmendja është përqendruar mbi të gjitha te sulmi ku, pasi u sistemuan krahët, Olivier Giroud mbetet në fakt i vetmi qendërsulmues. Është Lorenzo Colombo vërtetë, por ish-Lecce është në dalje. Sapo 21-vjeçari të huazohet (Cagliari dhe Genoa në pole position për ta pasur) do të insistohet për një tjetër sulmues. Objektivi kryesor: sulmuesi i kombëtares shqiptare, Armando Broja.
Kohët janë të pakta, kështu që drejtuesit e kuqezinjve kanë lëvizur paraprakisht duke kërkuar nga Chelsea shqiptarin Armando Broja. Shkodrani natyrisht më të mirën në karrierën e tij e shfaqi në Eredivisie me fanellën e Vitesse në sezonin 20/21 (11 gola në 34 paraqitje). 21-vjeçari, në kërkim të një rinisje pas këputjes së kruciatit dhjetorin e kaluar, është emri më i pëlqyer. Formula e preferuar është ajo e një huazimi me të drejtë blerjeje, por për momentin Blues po bëjnë bllok. Londinezët presin evolucionin e merkatos, edhe pse operacionet e shumta në aksin Londër-Milano u japin shpresë kuqezinjve. Ditët e ardhshme do të jenë vendimtare.
Lexo më tej: Shpëton Broja, Pochettino i bën dalje 15 lojtarëve te Chelsea: ja kush do të ndryshojë fanellë
BROJA, RIVALËT PËR TE MILAN
Alternativa për 21 vjeçarin Armando Broja përfaqësohet nga Hugo Ekitiké. Sulmuesi i PSG-së luajti 8 minuta mbrëmjen e së shtunës për ndeshjen kundër Lorient në Ligue1. Parisienët e konsiderojnë të tepërt, por lojtari i lindur në vitin 2002 nuk do të jetë me ulje. Duhen 30 milionë euro për ta marrë, shumë në këtë fazë për kuqezinjtë. Milan sidoqoftë po e monitoron dhe ndoshta po pret që të vijnë ditët e fundit të merkatos së transferimeve.
