5 të arrestuarit që u kapën me 11300 doza ekstazi dy ditë më parë në Tiranë janë njohur sot me masën e arrestit.
Gjykata e Tiranës ka caktuar masën “Arrest me burg” për Mithat Ramadanin, Kalem Picarin, Daniel Avdinë, Ambra Myftarin si dhe për aktivistin e Vetëvendosjes në Kosovë, Besnik Mujecin.
Ata u kapën pak ditë më parë nga një aksion policor në kryqëzimin e rrugës “Myslym Shyri” dhe “Sami Frashëri”.
Dozat e ekstazisë vinin me autobuzë të linjës Prishtinë-Tiranë në kryeqytet dhe shpërndaheshin në lokalet e natës në bllok dhe në plazhet e jugut.
