Inter dhe Bayern Munich kanë arritur marrëveshje për transferimin e Benjamin Pavard te zikaltrit. Konfirmimi vjen nga Giovanni Branchini, një ndërmjetës i njohur që operon shpesh në aksin Itali-Gjermani. "Pavard është shumë afër Inter. Në këtë pikë, gjithçka që duhet është që Bayern të gjejë, jo një zëvendësues, por një atlet që mund të mbështesë mbrojtësin aktual të djathtë Mazraoui - tha ai për Radio Sportiva -. Në këtë rast, operacioni me zikaltrit do të të përcaktohet deri në fund të merkatos së transferimeve. Besoj se sot nuk ka më distanca mes dy klubeve e pritet vetëm një zgjidhje e këtij lloji".
Tani është vetëm çështje kohe që Pavard t'i bashkohet Inter. Mbrojtësi francez u kërkua fort nga tekniku Inzaghi për të kompletuar skuadrën e tij. Francezi do të alternojë me Darmian si qendër e djathtë në mbrojtje dhe nëse është e nevojshme, ashtu si italiani, mund të luajë edhe si mbrojtës i krahut. Pas fjalëve të administratorit të deleguar Marotta para Inter-Monza, tani vijnë ato të Branchini. Një konfirmim i sigurtë se marrëveshja do të bëhet deri më 1 shtator.
Lexo më tej: "Bayern heq Benjamin Pavard nga merkato": befasohet Inter, që kërkon një takim të ri me bavarezët
Natyrisht zyrtarizimi do të bëhet pasi Bayern të gjejë një zëvendësues për t'ia dhënë trajnerit Tuchel. Një operacion i rëndësishëm për klubin zikaltër, i cili do të paguajë një shumë prej 30-35 milionë euro përfshirë edhe bonuset, për francezin e kombëtares.
