Inter Miami i Lionel Messi ka arritur të fitojë Leagues Cup të Concacaf me një sukses në finale ndaj Nashville. Ndeshja është vendosur 10-9 me penallti, pasi koha e rregullt përfundoi 1-1. E Messi ishte sërish protagonist. Pleshti fillimisht i dha epërsinë Inter Miami në minutën e 24' të pjesës së parë. Një gol spektakolar që përfundoi në këndin e sipërm. Për argjentinasin është goli i dhjetë në 7 ndeshje. Barazimi i Nashville erdhi me Fafa Picault në pjesën e dytë, me sulmuesin që shënoi i pari edhe në serinë e penalltive.
Lexo më tej: Inter Miami, Messi e dhurata e personalizuar për skuadrën: ja sa shpenzoi argjentinasi
Trofeun e parë për argjentinasin e vendosi në fakt një duel mes dy portierëve. Drake Callender shënoi penalltinë e tij për Miami dhe më pas priti goditjen e Elliot Pannico. Pleshti i gëzohet kështu edhe trofeut të parë me klubin e ri, vetëm pak muaj pas mbërritjes së tij në Florida. Ndeshjen finale e hapin Giannis Antetokounmpo, ylli i NBA dhe bashkëpronar i Nashville, por sic duket nuk mjaftoi si hajmali për vendasit.
Messi e ka shndërruar Inter Miami "nga një ekip i paqendrueshëm në të pathyeshëm", si ka pohuar vetë David Beckham. E sipas pronarit të Inter Miami, Pleshti është lojtari i vetëm në botë që mund ta bëjë këtë.
