Pedri dhe Ferran Torres vendosën ndeshjen mes Barcelonës dhe Cadiz, në javën e dytë të La Liga. Blaugranat, në ndeshjen e parë në Montjuic, vend i përkohshëm për ndeshjet në shtëpi për punimet në Camp Nou, fituan 2-0 falë dy spanjollëve. Pedri hapi ndeshjen në minutën e 82' dhe Ferran Torres e mbylli në të 94'. Skuadra e Xavit merr kështu suksesin e parë në kampionat dhe ngjitet në 4 pikë. Edhe Girona mund të buzëqeshë: 3-0 në Getafe falë dygolëshit të Stuani dhe golit të Herrera.
Janë dy ish-lojtarët e City që i heqin gështenjat nga zjarri Barcelonës, që mundi Cadizin 2-0. Gündoğan shërbeu për Pedri asistin që zhbllokoi ndeshjen, ndërsa Ferran Torres e mbylli sfidën në kundërsulm. Kështu, katalanasit arritën suksesin e tyre të parë të sezonit pikërisht në debutimin e tyre në Montjuic. Sfida nuk ishte aspak e thjeshtë për vendasit, të cilët shkuan afër avantazhit në pjesën e parë me Yamal dhe Koundé. Nga ana tjetër, Ter Stegen ishte i vëmendshëm ndaj Roger Martì, duke cuar skuadrat 0-0 në interval. Rasti më i rrezikshëm, megjithatë, erdhi në minutën e 54', kur Gavi goditi shtyllën mes dëshpërimit të lojtarëve të Xavi. Nga ana tjetër, Ledesma shpëtoi ndaj Ezzalzouli, por 1-0 u shty vetëm për pak minuta. Pedri kombinoi me Gündoğan dhe në rrëshkitje mposhti portierin mik, duke i dhënë epërsinë Barcelonës. Dyfishimi erdhi në minutën e 94' në kundërsulm, me të majtën e Ferran Torres, që mbylli ndeshjen. Të besuarit e Xavi, ashtu si në 2022/2023, rezultuan të jenë solidë. 0 gola të pësuar në këto 180 minuta të para të La Liga. Edhe blaugranat ngjiten në 4, duke i bërë presion Real Madrid.
TRIS GOLASH I GIRONA
Girona merr suksesin e parë në kampionat duke mposhtur 3-0 Getafe dhe duke u ngjitur në 4 pikë, së bashku me Barcelonën. Herrera kaloi në epërsi mikpritësit në minutën e 12', duke shënuar nga një asist i Savio. Në pjesën e dytë, ishte Stuani ai që mori skenën, duke shënuar një dygolësh në dhjetë minuta. Fillimisht dyfishoi në minutën e 55', më pas fiksoi trisin në minutën e 65'. Getafe mbetet në kuotën e 1 pikë, duke e shtyrë takimin me fitore.
