Këshilli i Shtetit i jep fund mosmarrëveshjes së Juventus për dhënien e trofeut të 2006 për Inter, pas heqjes së titullit bardhezinjve. Ankimimi i klubit të Juventus kundër Figc, Inter dhe Coni (të gjithë të konstituuar në gjykim) është refuzuar sipas asaj që u raportua nga ANSA. Bëhej fjalë për hallkën e fundit në zinxhirin e kundërshtimeve ligjore ndaj vendimit të komisionerit të jashtëzakonshëm të Federatës së Futbollit, Guido Rossi. Ai në vitin 2006 i kishte dhënë titullin kampion Inter, me trofeun e mbetur vakant pas vendimeve të drejtësisë sportive për skandalin e Calciopoli.
Ky është refuzimi i panumërt i një apelimi nga Juventus për këtë çështje. Në vitin 2011 këshilli i FIGC i kishte thënë jo kërkesës për revokimin në vetëmbrojtje, të paraqitur nga bardhezinjtë, mbi vendimin e Guido Rossi. Në të njëjtin vit Tnas u deklarua i paaftë për të ndërhyrë.
Lexo më tej: Calciopoli merr fund: Juventus humb betejën e 30: "U ezauruan shkallët e drejtësisë sportive"
Në vitin 2019, pastaj, Kolegji i Garancisë e kishte shpallur të papranueshëm ankesën e Zonjës së Vjetër. Ndërsa TAR i Lazios në vitin 2022 mori të njëjtin vendim. Tani Këshilli i Shtetit ka hedhur poshtë ankimimin e Juventus kundër vendimit të TAR.
