Flamur Buçpapaj, 65 vjeç, ka bërë një denoncim në komisariatin e policisë së Tiranës sepse është kërcënuar me jetë nga një person tjetër, i identifikuar si Eduart Dumi.
Sipas policisë, shkak për kërcënimin është bërë një konflikt për një pronë të ndodhur në fshatin Vishnje të Tiranës. Pas depozitimit të kallëzimit, policia ka shoqëruar në komisariatin numër 6 autorin.
Grupi hetimor, nën drejtimin e Prokurorisë, po punon për sqarimin e rrethanave të ngjarjes dhe kryerjen e veprimeve të mëtejshme procedurale.
