Rihanna dhe A$AP Rocky tani janë prindër të dy fëmijëve. Këngëtarja mirëpriti në jetë në fshehtësi totale djalin e tyre të dytë më 3 gusht në Los Angeles. Emri i plotë i të voglit nuk dihet, por TMZ raporton se ai fillon me një R si i vëllait të tij të madh.
Çifti, i cili mirëpriti fëmijën e tyre të parë, djalin e madh RZA, në maj 2022, nuk kanë reaguar ende për lajmin e bukur. Duke marrë parasysh faktin se ata e mbajtën të fshehtë emrin e RZA për rreth një vit, nuk do të ishte çudi nëse do të zgjidhnin ta mbanin të fshehtë edhe emrin e djalit të tyre të dytë për aq kohë sa të ishte e mundur.
Hera e fundit që Rihanna u pa në publik ishte në fund të korrikut, kur ajo darkoi me Rocky-n në restorantin e saj të preferuar në Kaliforni.
Rihanna njoftoi në mënyrë të paharrueshme shtatzëninë e saj të dytë në 'Super Bowl' në shkurt. Ajo nuk zbuloi në atë moment se sa muajshe ishte, por foli për 'British Vogue' për shpresën e saj për të pasur më shumë fëmijë dhe se si nuk i interesonte gjinia.
"Dëgjo, unë jam e shqetësuar për çdo gjë," tha ajo. “Do të doja të kisha më shumë fëmijë, por çfarëdo që Zoti dëshiron për mua, unë jam këtu. Unë do e dua çfarëdo gjinie të jetë. Vajza, djalë. Çfarëdo."
Ajo shtoi se Rocky dëshironte të dinte gjininë e fëmijës së tyre të parë. "Ai donte një djalë," tha ajo. “Në fillim ai ishte i hapur, më pas ai tha: “Ja, unë dua një djalë, jam i sigurt.” Dhe po thoja, “Zot, të lutem lëre këtë njeri të marrë atë që do…”
Në 'Met Gala', Rihanna foli shkurtimisht për 'Entertainment Tonight' se si po shkonte shtatzënia e saj e dytë. "Është shumë ndryshe nga e para," tha ajo. “Gjithçka është ndryshe, por unë po e shijoj atë. Ndjehem mire. Ndihem energjike.”
