E dashur nga fansat për këngët si "Rehab", "Back to Black" dhe "Tears Dry on Their Own", Amy Winehouse ishte vetëm 27 vjeç kur u nda nga jeta në korrik 2011.
Tani familja e saj po zbulon një anë tjetër të fitueses së Grammy, vajzën dhe motrën që njihnin, në një libër të ri, Amy Winehouse: In Her Words. Koleksioni i fotografive të paparë kurrë më parë, shënimeve në ditar dhe letrave dhe poezive të shkruara me dorë, do të publikohen më 29 gusht, ditë përpara ditëlindjes së 40-të. “Ne gjithmonë donim që bota të njihte Amy-n e vërtetë, nga vinte”, tha babai i saj, Mitch Winehouse. “Në të gjitha aspektet ajo ishte thjesht një fëmijë normal hebre nga Londra Veriore, që bënte gjëra normale për fëmijë, shkonte në klasën e dramës, e donte gjyshen, mamin dhe babin e saj, e donte vëllain.”
Të ardhurat nga libri do t'i shkojnë Fondacionit Amy Winehouse, bamirësia që familja e saj krijoi 12 vjet më parë në ditëlindjen e saj, 14 shtator, javë pasi ajo vdiq nga helmimi aksidental me alk00l. Me projekte në SHBA, MB dhe Karaibe, ai synon të edukojë të rinjtë për rreziqet e dr0gës dhe alk00it dhe të mbështesë shërimin e atyre që luftojnë me abuuzimin e substancave.
Mitch, 72 vjeç, shpreson se ky libër do t'u japë njerëzve "një pasqyrë të vërtetë në personalitetin e Amy". Ai u shpreh: “Ajo ishte një shoqe besnike, bujare. Ajo do të ndihmonte këdo… Thjesht një qenie njerëzore e mrekullueshme që shihte më të mirën tek të gjithë.”/Lapsi.al
