Nuk është vetëm Athina ajo që është mbuluar nga tymi për shkak të zjarreve që kanë përfshirë zonat nga Aleksandoupoli në Parnitha dhe Menidi.
Ndërkohë që në Greqi po shpërthejnë dhjetëra zjarre pyjore që po shkatërrojnë qindra mijëra hektarë pyje, tokë të punueshme dhe zona të banuara, tymi ka mbuluar një pjesë të madhe të Mesdheut Lindor.
Zjarret në Traki, pjesa e përparme e të cilave i kalonte 60 kilometrat, prodhojnë sasi të mëdha grimcash të imëta që tani kanë arritur në Italinë Jugore dhe Maltë.
Kushtet e motit që mbizotërojnë në Mesdheun Qendror favorizojnë sedimentimin e masave të gazta dhe bashkë me to edhe mikrogrimcat, të cilat ndodhen shumë afër tokës. Tipike është imazhi satelitor i përpunuar nga Observatori Kombëtar i Athinës/meteo.gr mëngjesin e së mërkurës 23/8 , i cili tregon zonën e mbuluar nga tymi i zjarreve në Greqi.
Sidomos në zonën e Sicilisë dhe Maltës, cilësia e ajrit është jashtëzakonisht e ulët për shkak të përqendrimit të lartë të mikrogrimcave PM10 dhe PM2.5.
