Kevin Hart ka zbuluar për fansat incidentin që pësoi gjatë një sfide me e ish-yllin e New England Patriots, Stevan Ridley.
"Zonja dhe zotërinj, mosha 40 vjeçare është e vërtetë. Për të gjithë burrat, gratë e mia që janë 40 vjeç e lart, kjo nuk është një lojë," ndau Hart në postimin e tij. "Respektoje atë moshë, ose ajo moshë do t'ju bëjë ta respektoni atë. Thjesht më bëri ta respektoj atë.
"Unë jam në një karrocë me rrota. Pse? Epo, sepse u përpoqa të kërceja atje dhe të bëja disa gjëra të reja," vazhdoi aktori, duke shpjeguar se si të gjitha erdhën nga një debat mbi shpejtësinë dhe shkathtësinë.
"Ky debat u bazua në atë se kush është më i shpejtë. Ata që më njohin e dinë se unë jam shumë i shpejtë," kujton Hart. "Stevan tha, 'Kevin, nuk ka asnjë mënyrë që të më mundësh.' Stevan është një ish-NFL që po rikthehet, ka luajtur për New England Patriots. Djalë shumë i mirë... Kështu që vendosëm të bëjmë një garë dhe tani nuk mund të eci. Unë duhet të jem njeriu më budalla në jetë."
Disa nga miqtë e famshëm të Hart kontaktuan për të ndarë mbështetjen e tyre, duke përfshirë Will Smith, i cili komentoi: "Të plakesh është diçka reale. Shërim të shpejtë , Kev!!" Komediani Lil Duval - i cili u shtrua në spital pas një aksidenti shkatërrues me makinë korrikun e kaluar dhe kaloi muaj duke u rikuperuar - komentoi: "Më kontakto nëse ke nevojë për ndonjë nga ilaçet e mia."/Lapsi.al
