Video/ Bolonja e tërbuar për penalltinë e mohuar, arbitri Di Bello sqaron: "E pashë mirë, ranë bashkë"

“E pashë mirë unë, ranë bashkë”: kjo është fjalia, sipas rikonstruksionit të Repubblica, e thënë nga Marco Di Bello në pankinat e Juventus dhe Bologna pas kontaktit mes Iling-Junior dhe Ndoye. Sidoqoftë është një rast moviole që ndezi zemërimin e klubit kuqeblu. Shpjegimi i arbitrit puliez shpjegon të paktën pjesërisht arsyen pse nuk shkoi te VAR. Vendimi i Di Bello (i cili, sipas Gazzetta dello Sport, do të ndalohet nga dizenjatori Rocchi) ka ruajtur interpretimin e parë nga fusha, pa i “detyruar” ndihmësit e monitorit ta thërrisnin për të parë sërish imazhet. Episodi tërboi pankinën e Bolonjës, protesta që vazhduan edhe pas ndeshjes. Corriere dello Sport tregon për një diskutim shumë të nxehtë jashtë dhomës së zhveshjes. Di Bello e CEO kuqeblu Fenucci u përballën për më shumë shpjegime. Edhe presidenti Joey Saputo gjithashtu u raportua si shumë i zemëruar, por nuk hyri në dhomën e zhveshjes.

Orca miseria era pure espulsione per la Juventus.

Assurdo. Assurdo.

Un Var che non richiama l’arbitro su questo o è totalmente incapace o è in malafede, perché altro non c’è#JuveBologna pic.twitter.com/6ca0CeEZJs

— Tancredi Palmeri (@tancredipalmeri) August 27, 2023

"NA HOQËN NJË FITORE TË SIGURTË"

Claudio Fenucci është një furi për mikrofonat e Dazn, pas barazimit mes Bolonjës dhe Juventus: "Kam bërë këtë punë për njëzet e pesë vjet. Nuk më keni parë shpesh pas ndeshjes duke folur për arbitrat - filloi drejtori menaxhues i kuqebluve para se të fliste për penalltinë e mohuar për një faull të Iling Jr ndaj Ndoye -. Një gabim i bujshëm i arbitrit na hoqi një fitore të sigurt, sepse ishte penallti dhe karton i kuq. Jam këtu për respekt të ekipit dhe tifozëve, të cilët panë t'i heqin një fitore jo të parëndësishme me Juventus. Më vjen shumë keq, por këto episode janë halucinative. Është një gabim i padurueshëm në epokën e Var". "Një lojtar i kositur para portierit mund të jetë vetëm një penallti dhe karton i kuq - vazhdoi ai -. Hidhërimi është sepse kemi vite që punojmë me teknologjinë, aq sa unë isha një nga ata që kërkova hyrjen e parakohëshme të VAR. E nuk mund të kuptojmë se si, në episode si këto, nuk mund të ndërhyhet. Është vërtet një çmenduri".