Dolly Parton ishte e ftuar për të pirë çaj me Kate Middleton, por ajo hodhi poshtë mundësinë duke e ditur se takimi nuk do t'i ndihmonte shitjet e saj rekord.
Ndërsa ishte në BBC Radio 2, prezantuesja Claudia Winkleman e pyeti legjendën e muzikës country nëse planifikonte të shihte më shumë nga Londra. Ajo e ka parë kryeqytetin e Mbretërisë së Bashkuar gjatë viteve të turneut të saj, por këtë herë kishte një orar aq të ngjeshur sa nuk mundi të takonte Princeshën e Uellsit, në mes të promovimit të albumit të saj Rockstar.
"Këtë herë,madje u ftova të pi çaj me Kate," i tha Parton Winkleman. "Dhe u ndjeva shumë keq… as që mund të shkoja! Ata kishin bërë përgatitje". Këngëtarja "Jolene" mendoi se ishte një gjest "shumë i ëmbël dhe i këndshëm" për Kate që ta ftonte për çaj, tha ajo. "Dhe një nga këto ditë do të arrij ta bëj këtë... Do të ishte mirë!"
Parton më pas bëri shaka se kishte një arsye tjetër për të anashkaluar takimin e çajit, përtej vetëm një orari të ngjeshur. “Ajo nuk do të promovonte albumin tim rock, ndaj më duhej të thosha jo”, shtoi artistja me shaka. Edhe pse e humbi shansin e saj për të takuar familjen mbretërore gjatë këtij udhëtimi në MB, ajo ka performuar për familjen në të kaluarën. Në vitin 1977, vendasja nga Tenesi performoi në Jubileun e Argjendtë të Mbretëreshës Elizabeth. /Lapsi.al
