Paris Jackson ka nderuar babain e saj Michael Jackson në ditëlindjen e tij të 65-të.
Të martën, 25-vjeçarja nderoi kujtimin e babait të saj – i cili u nda nga jetanë vitin 2009 kur ajo ishte 11 vjeç – me videot e postuara në Instagram Story. Ajo përfshiu dhe në një klip të saj në skenë në Amfiteatrin Las Colonias Park në Kolorado, duke folur për Michael. "Kështu që sot është ditëlindja e babait tim," tha Jackson në klipin e parë teksa u ul në atë që dukej të ishte një dhomë zhveshjeje pasi doli nga skena. “Dhe kur ishte gjallë, ai e urrente kur e uronin për ditëlindje.”
“Ai në fakt nuk donte që ne ta dinim se kur ishte ditëlindja e tij, sepsei nuk donte që ne të bënim një festë, apo diçka të tillë,” vazhdoi këngëtarja. “Me sa duket, mediat sociale janë mënyra se si njerëzit shprehin dashurinë e tyre këto ditë dhe nëse nuk i uron dikujt një 'Gëzuar Ditëlindjen' nëpërmjet rrjeteve sociale, do të thotë që nuk e do.”
Paris vazhdoi duke thënë se "njerëzit më kanë ofenduar" kur ajo zgjodhi mos të postojë për babain e saj në ditëlindjen e tij në vitet e mëparshme. “Ata më thonë se nuk e dua babanë tim, bazuar në atë që postoj në Instagram – kështu që ju bëra një video të vogël dhe shpresoj që t'ju pëlqejë”, shtoi artistja./Lapsi.al
