Krijuesi i Suits ka treguar për ndërhyrjen e familjes mbretërore në rolin e Meghan Markle në dramën ligjore në SHBA.
Aaron Korsh, krijuesi i serialit, i cili u shfaq për nëntë sezone në SHBA, ka folur rreth popullaritetit të Suits në Netflix, duke përmendur rolin e Markle si Rachel Zane si një nga faktorët kontribues. Kur Markle mori pjesë për herë të parë, ajo ishte relativisht e panjohur. Aktorja më vonë u bë e famshme për shkak të romancës së saj me Princin Harry. Në atë kohë, ajo po përfundonte rolin së bashku me bashkëshortin e saj në ekran, Patrick J. Adams (Mike Ross).
Korsh i tha THR se familja mbretërore "ndikoi" në disa pjesë të sezonit të fundit të shfaqjes, duke vënë në dukje se "nuk kishte shumë gjëra", por një ndryshim dialogu që ai e gjeti "pak irritues".
"Më kujtohet se njëra ishte një linjë e veçantë dialogu dhe, shikoni, unë thjesht do të them se cila ishte linja. Familja e gruas sime, kur kanë një temë për të diskutuar që mund të jetë e ndjeshme, ata përdorin fjalën "poppysock". "Pra, në episod, Majk dhe Rachel do të kishin një temë të tillë, dhe si shenjë për vjehrrit e mi, ne do ta bënim atë të thoshte: 'Familja ime do të thoshte "poppysock".
Kjo linjë nuk i përshtatej mirë familjes mbretërore, për të cilën Korsh pretendon se nuk donte që dukesha e ardhshme e Sussex-it ta thoshte fjalën pasi mund të keqintepretohej. "Ata nuk donin të thonte fjalën "poppysock", spekuloi Korsh. "Pra, ne duhej ta ndryshonim atë në 'bull**t dhe nuk më pëlqeu ky veprim”. Ai shtoi se nuk e dinte se si familja mori kopje të avancuara të skenarit dhe se vetë Markle nuk ishte ajo që e telefonoi për të kërkuar ndryshimin e dialogut.
