Dy persona kanë marrë peng një 20-vjeçar, pasi gërvishti makinën e marr me qira. Mësohet se mnë pranga kanë rënë Adrian Mehmeti, 39 vjeç dhe Aqif Dervishi, 37 vjeç, të cilët jepnin makina me qira. Ndërkohë që 20-vjeçari Klejdi Lila, dëmtoi një makinë që kishte marr me qira te këta dy persona.
Dy autorët i kanë thënë se ka gërvishtur mjetin dhe i kanë marrë fillimisht 500 euro, por më vonë i kanë kërkuar dhe 2500 euro të tjera. Ditën e djeshme, i riu ka shkuar në një lokal për të takuar dy autorët e ngjarjes, por ata nuk e kanë lënë të largohet deri në momentin që do tu jepte lekët. Familjarët e të riut kanë marrë policinë, e cila më pas ka ndërhyrë duke liruar të riun dhe ka arrestuar dy shokët.
Njoftimi i Policisë:
I hoqën lirinë një shtetasi dhe e kanosën atë, për t’u dhënë një shumë parash, falë reagimit të menjëhershëm të Policisë, identifikohen dhe vihen në pranga 2 autorët e dyshuar. Shërbimet e Komisariatit të Policisë Nr. 4, menjëherë pas njoftimit se një shtetasi i kishin hequr lirinë për disa orë, 2 shtetas të tjerë, kanë organizuar punën për identifikimin dhe kapjen e autorëve dhe vënien e tyre përpara përgjegjësisë ligjore. Si rezultat i reagimit të menjëhershëm të shërbimeve të Policisë, u identifikuan dhe u vunë në pranga 2 autorët e dyshuar, shtetasit A. M., 39 vjeç, dhe A. D., 37 vjeç, të dy banues në Tiranë. Nga veprimet hetimore dyshohet se këta shtetas, në bashkëpunim me njëri-tjetrin, ditën e djeshme, në ambientet e një biznesi, i kanë hequr lirinë për disa orë, shtetasit K. L., 20 vjeç, dhe e kanë kanosur që t’u jepte atyre, një shumë parash. Materialet procedurale i kaluan Prokurorisë, për veprime të mëtejshme.
