Ardhja e Mehdi Taremi te Milan dukej punë e kryer, pasi kuqezinjtë kishin arritur një marrëveshje me Porton. Por më pas gjithçka përfundoi në një hiç. Shkaku? Pas miratimit të portugezëve, ka pasur një distancë mes ofertës së kuqezinjve dhe kërkesës nga lojtari dhe stafi i tij. Kjo gjë përzjeu kartat në tavolinë, pasi ishte arritur një marrëveshje e mëparshme prej 1.5 milionë euro në sezon. Pedro Pinho, menaxheri i iranianit, thotë për Record një version tjetër të fakteve, duke akuzuar Milan: “Ata nuk kanë pasur kurrë kontakt me mua. Mehdi i paralajmëroi se po flisnin me menaxherin e gabuar. Por ata vazhduan kështu për dy muaj”.
“Milan i ofroi sulmuesit Taremi një rrogë 1.5 milionë euro dhe nuk ishte në përputhje me vlerën e tij”, nënvizoi menaxheri. Në fazën e negociatave “të dyta”, ai kishte kërkuar 5 milionë për sulmuesin e Porto. E për ata që e akuzojnë se ka ngritur kërkesën për të përfituar komisione, Pedro Pinho përsëriti: “Nuk erdhi kurrë puna të flisnim për komisione. Milani të tregojë prova sepse në Itali flasin shumë për këtë dhe është gënjeshtër”.
Lexo më tej: Milan heq dorë nga Broja, Mehdi Taremi i thotë 'po': arrihet akordi me Porton
Gjatë intervistës ekskluzive për Record, menaxheri i iranianit më pas nënvizoi: "Pas marrëveshjes mes klubeve, kuqezinjtë kontaktuan lojtarin që i shpjegoi se kush e përfaqësonte atë. Nuk e di pse vazhduan të flisnin me menaxherët e gabuar. Nuk mundem ta shpjegoj". Më pas sulmi direkt ndaj Milan: “Kërkojnë një kokë turku për të justifikuar mungesën e nënshkrimit me lojtarin”.
