Seanca gjyqësore për inceneratorin e Fierit është shtyrë sërish këtë të mërkurë.
Seanca e radhës pritet që të mbahet më datë 11 shtator, në orën 11:00.
Për çështjen e inceneratorit të Fierit, pritet që të paraqesin mbrojtjen edhe 5 të pandehur.
Kjo nuk është hera e parë që shtyhet seanca gjyqësore për inceneratorët, pasi edhe në raste të tjera ka ndodhur e njëjta gjë me pretendime të ndryshme.
Kujtojmë se Prokuroria e Posaçme ka dhënë pretencën duke kërkuar 10 vite burg për ish-ministrin e Mjedisit, Lefter Koka, në lidhje me inceneratorin e Fierit, për ish-sekretarin e Ministrisë së Mjedisit, Alqi Bllako, janë kërkuar edhe 7 vite burg. Ndërsa për Klodian Zoton ka kërkuar 12 vite burg dhe 4 vite burg për Arben Dervishajn.
Të katër të akuzuarit përfitojnë nga gjykimi i shkurtuar nëse shpallen fajtorë.
