Video/ Shikoni stadiumin e ri Bernabeu hi-tech ku do të luajë Real Madrid: fusha "zhduket"

Imazhet e stadiumit të rinovuar 'Santiago Bernabeu' janë mbresëlënëse, me risinë e fushës së lëvizshme. Në këtë video, tregohet si fusha e përdorur normalisht nga 'Blancos' mund të zhduket nën tokë, për të lejuar stadiumin të organizojë ngjarje jo futbollistike pa vënë terrenin në rrezik. Pas rritjes së kapacitetit dhe çatisë së lëvizshme, që hapet dhe mbyllet në vetëm 15 minuta, një tjetër risi e madhe për një nga stadiumet më të famshëm, më të bukur dhe tashmë padyshim më modern në botë. 'Santiago Bernabeu', shtëpia e Real Madrid, i inauguruar në vitin 1947, ka ndryshuar krejtësisht fytyrën, pas rinovimit të fundit të porositur nga Presidenti Florentino Perez. Një stadium i teknologjisë së lartë, i cili pas katër vitesh punë dhe një ripërtëritje të thellë, tani prezantohet si një objekt ultra-modern dhe avangard, krahasuar me të gjitha stadiumet në botë.

STADIUMI I RI BERNABEU: ÇATIA HAPET E FUSHA ZHDUKET

Përveç rritjes së kapacitetit, për të eliminuar problemet që lidhen me motin dhe për të reduktuar zhurmën, Bernabeu është pajisur me një çati që mund të hapet dhe mbyllet në vetëm 15 minuta. Dhe më pas, një tjetër risi e madhe, është fusha që ‘zhduket’ nën tokë. Me pak fjalë, një fushë e lëvizshme. Fusha është e ndarë në 'feta', të cilat, falë një sistemi teknologjik shumë të avancuar, mbahen në një thellësi prej gati 40 metrash. Këtu ajroset, ujitet dhe mbrohet me ndriçim dhe rreze ultraviolet. Një risi që do t'i lejojë Real Madrid të presë jo vetëm ndeshjet e 'Blancos', por - shtatë ditë në javë, 12 muaj në vit - koncerte, kongrese, ngjarje, madje edhe ndeshje tenisi, basketbolli apo futbolli amerikan. Pa stresuar aspak barin e fushës, që mbetet i përsosur, gati kur Vinicius, Bellingham dhe të tjerët të kenë nevojë për të.

?️?? ¡El césped retráctil del Bernabéu como nunca lo habías visto!#RealFootball pic.twitter.com/r2TkzsiNPv

— Real Madrid C.F. (@realmadrid) September 5, 2023