Pas shumë vitesh në qeveri, Olta Xhaçka dhe Evis Kushi kanë lëshuar postet që mbanin dhe kanë shkuar në parlament si deputete të thjeshta. Vendimet për shkarkimet e ministreve, Edi Rama nuk e ka shpjeguar, duke lënë të hapura interpretimet në media dhe në parti. Gjithsesi kur janë kthyer në ndenjëset e parlamentit Olta Xhaçka dhe Evis Kushi janë pritur ngrohtë nga kolegët e tyre socialistë që i kanë përqafuar me radhë para se të votonin për shkarkimet, që as vetë nuk i dinë pse kanë ndodhur. Foto e LSA ka kapur pikërisht momentin kur Xhaçka dhe Kushi kërkojnë ndenjëset e tyre të reja në kuvend, ndërsa kolegët janë ngritur në këmbë që t'i urojnë mirëseardhjen.
