Këngëtarja kolombiane Shakira ka lançuar një parfum të ri të frymëzuar nga fuqizimi i femrës.
Këngëtarja njoftoi në llogarinë e saj zyrtare në Instagram se kjo aromë e re është gati të dalë në treg. “Njihuni me Rojo, aromën e re të feminitetit të fuqishëm dhe Eau de Parfume të parë nga Shakira Parfumes”, thuhet në mesazhin e klipit që ajo ka shpërndarë.
Lajmi entuziasmoi menjëherë ndjekësit e saj pasi nuk është produkti i parë i këtij lloji që ka kolumbiania. Ajo tashmë ka në treg edhe tre parfume të tjera që karakterizohen nga aroma dhe cilësia e tyre. Mes tyre bie në sy aroma e “Dance”, pasi edhe në shishe është i stampuar kërcimi i Shakiras në “Hips Don't Lie”.
Sipas trailerit të shkurtër të reklamës, shishja e "Rojo" është në dispozicion për 25 dollarë në Amazon. Shakira nuk është e vetmja këngëtare me një linjë aromash në treg dhe shumica e të famshme përfitojnë nga imazhi i tyre për ta shfrytëzuar atë në produkte të ndryshme.
Për shembull, në vitin 2011, Taylor Swift lëshoi një linjë të tërë parfumesh, duke përfshirë Wonderstruck, një aromë me lule frutash me nota të mjedrës, manaferrës dhe pjeshkës. Rihanna lançoi RiRi, me një aromë lulesh-dhe nota të frutave të pasionit, mandarinës italiane, rumit dhe rrushit të zi./Lapsi.al
