Nathan Van Hooydonck, çiklisti i Jumbo-Visma, është shtruar në spital në gjendje dëshpëruese pasi u ndje keq teksa drejtonte makinën e tij në Kalmthout, Belgjikë. Në semaforin e kuq, çiklisti humbi kontrollin e makinës së tij, u nis duke shkelur gazin dhe përplasi pesë automjete të tjera. Të plagosur kanë mbetur edhe një grua dhe një fëmijë në një Range Rover. Me Van Hooydonck në makinë ishte edhe gruaja e tij Alicia, tetë muajshe shtatzënë. Fatmirësisht, gruaja mbeti krejtësisht e padëmtuar, siç rezultoi pas kontrolleve në spital.
Lexo më tej: Video/ Hapi krahët në shenjë triumfi, Evenepoel përplaset me një grua: çiklisti përfundoi i gjakosur
Një dëshmitar i aksidentit tregoi dinamikën e ngjarjes: "Shkova menjëherë te Range Rover-i i zi. Pashë që brenda ishte një grua dhe menjëherë u përpoqa ta qetësoja. Menjëherë mbërritën dy punonjës socialë të policisë për ta ndihmuar gruan. Më pas u ktheva në makinë. për të parë se si ishte burri. Mendoj se kishte një konvulsion apo diçka e tillë. Ne filluam menjëherë ta ringjallnim dhe kur mbërriti ndihma shkova për të parë nëse mund të bëja diçka për njerëzit e tjerë".
Nuk ka ende lajme zyrtare, por sipas asaj që filtron nga spitali ku është shtruar çiklisti, gjendja duket e pashpresë.
