Kryevepër e forcës dhe taktikës nga Carlos Sainz, që fiton GP e Singapor, duke thyer hegjemoninë e Red Bull. Spanjolli kryeson që nga fillimi drejt flamurit me kuadrate, duke shfrytëzuar në maksimum formën e tij fantastike. Piloti i Ferrari pozicionohet përpara Lando Norris dhe Leëis Hamilton në vijën e finishit. Krejtësisht i pafat George Russell, që doli nga gara në xhiron e fundit, pasi ishte për një kohë të gjatë rivali kryesor i spanjollit.
Sainz luajti në mënyrë strategjike në fund me gomat tashmë të mbaruara, duke e mbajtur kompakt me gjakftohtësi të madhe grupin pas tij. Spanjolli i lejoi kështu ndjekësit më të afërt dhe ish-shokut të skuadrës Norris mundësinë për të përdorur DRS për t'u mbrojtur nga Mercedes. Kjo është fitorja e parë e Ferrari që nga GP e Austrisë në vitit 2022 dhe e para nën drejtimin e Vasseur. I nisur me gomat e buta, piloti tjetër i Ferrari, Charles Leclerc, rrëmbeu menjëherë pozicionin e dytë nga Russell në start dhe më pas vrapoi duke "mbuluar" Sainz për të gjithë pjesën e parë të garës në Marna Bay.
Lexo më tej: F1/ Hamilton rinovon me Mercedes deri në 2025: 7 herë kampioni i botës në timon deri 40 vjeç
Në fund, piloti nga Principata pati një krizë gomash dhe duhej të kënaqej me vendin e pestë përpara Max Verstappen. Kampioni i botës dhe shoku i tij i skuadrës Sergio Perez rrezikuan me gomat e forta në fillim, por duhet të kënaqen me vendin e pestë dhe të tetë në fund. Red Bull humbi kështu serinë e pamposhtur, që filloi një ditë pas fitores së Russell në GP të parafundit të sezonit të kaluar në Brazil.
