Russell Brand është akuzuar së fundmi nga katër gra për përdh*nim, sulm se*sual dhe abuuzim emocional.
Në një hetim të përbashkët nga The Sunday Times, The Times dhe Dispatches e Channel 4, katër gratë pretendojnë se sulmet kanë ndodhur midis 2006 dhe 2013, ndërsa ai ishte prezantues për BBC Radio 2 dhe Channel 4 dhe më pas si aktor në Hollywood. Kjo kornizë kohore përfshin gjithashtu martesën 14-mujore të Brand me Katy Perry, e cila përfundoi kur ai paraqiti kërkesën për divorc në dhjetor 2011.
Sipas hetimit, një grua pretendoi se Brand abuuzoi me të gjatë takimit të tyre të dytë në shtëpinë e tij në Los Anxhelos më 1 korrik 2012. Disa orë pas incidentit të supozuar ajo tregoi se i dërgoi mesazh komedianit: "Kur një vajzë thotë JO, do të thotë jo". Sipas mesazheve , Brand iu përgjigj se i vinte shumë keq.
Gruaja e dytë pohoi se ishte vetëm 16 vjeç kur u takua me aktorin atëherë 31 vjeç, në 2006 ndërsa ishte duke bërë pazar në Londër. Gjatë asaj daljeje, ajo tregoi se Brand i nxorri nga qeset një fustan që sapo e kishte blerë duke i thënë: "Do e veshësh në takimin tonë këtë javë". Ajo pohon se në takimin e tyre të parë, Brand i kërkoi menjëherë të konfirmonte se ishte 16 vjeç, duke thënë: "Unë nuk do kem intimitet me ty nëse je 12 vjeç."
Një grua e tretë zbuloi se ajo kërcënohej me veprime ligjore nëse i tregonte dikujt se ishte sulmuar se*sualisht nga komediani ndërsa punonte me të në Los Angeles. Ndërsa gruaja e katërt tregoi se Russell e ka sulmuar seksualisht dhe se ai ishte fizikisht dhe emocionalisht abuzuues./Lapsi.al
