Më 11 shtator 6 persona u ekzekutuan në Greqi brenda një makine. Mediat shqiptare thanë se viktimat ishin shqiptarë. Kjo ishte e pavërtetë.
Atentatin tragjik në Greqi mediat shqiptare e shpërndanë copy-paste nga mediat greke. Sipas televizioneve dhe portaleve, viktimat ishin shqiptarë, pjesë e një grupi kriminal. Shikoni këto tituj lajmesh në mediat shqiptare.
News 24 shkonte edhe më tej duke thënë se edhe agresorët ishin shqiptarë.
Pasditen e 11 shtatorit, ngjarja mbeti për disa orë e paqartë. Në fund konfirmimi erdhi nga autoritetet greke: Viktimat ishin nga Turqia.
Pra mediat shqiptare dezinformuan për disa orë me radhë publikun. Kjo ngjarje nxjerr zbuluar të metat e mediave shqiptare. Nxitimi për të pasqyruar sa më shpejt lajmin shkakton dezinformim masiv të opinionit publik. ©LAPSI.AL
