I dërguari i BE-së për dialogun Kosovë-Serbi, Miroslav Lajçak ka reaguar pas takimit me presidenten Vjosa Osmani. Ata u takuan ditën e djeshme në SHBA. Fokusi i diskutimeve ka qenë dialogu me Kosovën dhe Serbinë, ku Lajçak thotë se ranë dakord që të vijojnë diskutimet.
“Pata një bisedë të detajuar dhe të dobishme me Presidenten Vjosa Osmani mbi dialogun dhe rrugën përpara në avancimin e zbatimit të marrëveshjes. Ramë dakord të vazhdojmë diskutimin tonë”, shkruan Lajçak.
Edhe Osmani kishte një reagim ditën e djeshme, ku ka thënë se suksesi në dialog është i lidhur me zbatim të balancuar dhe të plotë të marrëveshjes për normalizim të marrëdhënieve dhe aneksit të saj.
