Një aksion shkatërrimtar, topi që mbetet prapa në driblimin e fundit dhe ajo thembra e sikletshme dhe e gabuar që bëri të murmuriste i gjithë San Siro. Që nuk ishte një mbrëmje gala, e kishte të qartë edhe vetë Rafael Leao, i cili në fakt ishte protagonist i një episodi kurioz në fund të ndeshjes së Champions League kundër Newcastle. Kjo u zbulua nga Gazzetta, e cila, shpjegoi, se portugezi ishte i befasuar dhe ndoshta edhe i mërzitur nga përzgjedhja si MVP e ndeshjes nga UEFA. Aq sa nuk ka dashur as ta tërheqë çmimin.
Fakti është se Rafael Leao u dorëzua vetëm ndaj protokollit të UEFA-s. Në fakt rregullorja e detyron lojtarin të marrë çmimin që i atribuohet në fund të ndeshjes. E megjithatë, pavarësisht njohjes nga institucioni që qeveris futbollin europian, duket se Leao i ka pranuar vetes se ishte protagonist i një mbrëmje negative.
Rafa është një lojtar shumë i ashpër me veten. Ai nuk kënaqet as kur gjërat shkojnë mirë dhe akoma më pak me mbrëmjet si ajo kundër Newcastle, ku gjithçka, ose pothuajse gjithçka, shkoi keq. Megjithatë, në një natë ters, distanca midis shkëlqimit dhe rrëzimit ishte minimale, e ndihmuar nga një top që u largua në kohën e duhur dhe pak para se t’i jepte mundësinë të shënonte një gol në një aksion që do të kishte mbushur faqet dhe titujt e gazetave.
Lexo më tej:Milan merr frymë lehtësisht për Maignan: asnjë dëmtim i rëndë, vetëm lodhje në fleksorë
Sigurisht që ajo takë e pasuksesshme duhet lënë pas dhe Leao kërkon të kthehet vendimtar për Milan, siç ka qenë gjithmonë. Për momentin, mbetet një barazim që komplikon pak Evropën e kuqezinjve dhe një çmim i fituar, mendon ai, pa meritë. Në Dortmund pas dy javësh, do të jetë koha për ta fituar në fushë.
