Bashkëshortja e Bruce Willis ka dhënë së fundmi intervistën e saj të parë zyrtare televizive ku ka folur për shëndetin e aktorit.
Ish-modelja u shfaq në emisionin “Today” për fillimin e Javës Botërore të Ndërgjegjësimit për Dementinë Frontotemporale. "Dementia është e vështirë," rrëfeu Heming, për bashkëprezantuesin, Hoda Kotb.
“Është e vështirë për personin e diagnostikuar, është gjithashtu e vështirë për familjen. Dhe kjo nuk është ndryshe për Bruce, as për mua, as për vajzat tona. Kur thonë se kjo është një sëmundje familjare, është me të vërtetë.”
Në mars 2022, familja e tij zbuloi publikisht se ai ishte diagnostikuar me afazi, një gjendje që ndikon në aftësitë e komunikimit të një personi. Willis gjithashtu u largua nga aktrimi në atë kohë. Më pas, në shkurt 2023, familja zbuloi se gjendja e tij kishte "përparuar" dhe se ai ishte diagnostikuar me demencë frontotemporale. Heming shtoi se të mësuarit e diagnozës së aktorit të "Die Hard" "ishte bekim dhe mallkim".
Ajo shpjegoi, “Për të kuptuar më në fund se çfarë po ndodhte, në mënyrë që të mund të pranoja atë që është. Kjo nuk e bën më pak të dhimbshme, por thjesht të qenit … në dijeni të asaj që po ndodh me Bruce-in e bën pak më të lehtë.” Ish modelja, e cila ndan vajzat Mabel, 11 dhe Evelyn, 9, me aktorin, tha se diagnoza e Willis po "i mëson atyre kaq shumë - si të duan, si të kujdesen dhe është një gjë vërtet e bukur mes trishtimit".
Emmadhe Bruce u martuan në mars 2009 përpara se të rinovonin betimet e tyre në 2019.Aktori ishte i martuar me gruan e tij të parë, aktoren 60-vjeçare Demi Moore, nga nëntori 1987 deri në tetor 2000. Ata janë prindër të vajzave Rumer, 34, Scout, 32 dhe Tallulah, 29 vjeç.
