Në pak orë çështja Osimhen ka shpërthyer me forcë te Napoli. Një video ironike e publikuar nga klubi në TikTok, dhe më pas e hequr, ndezi zemërimin e menaxherit të nigerianit, Roberto Calenda. Në mbrëmjen e të martës, me një postim shumë të ashpër, ai hapi krizën dhe kërcënoi Napoli se do "të ndërmarrë veprime ligjore". Pak orë më vonë sinjali më i bujshëm, ai që bën të dridhen tifozët. Një lëvizje që në kohën e rrjeteve sociale bën më shumë zhurmë se fjalët. Sulmuesi ka hequr nga profili i tij në Instagram pothuajse të gjitha fotot me fanellën e Napolit (përfshirë edhe ato të festimet pas titullit) dhe reshti së ndjekuri profilin e klubit.
Osimhen, nervozizmi i të cilit ishte shfaqur edhe në momentin e zëvendësimit në Bolonja, ashtu si menaxheri i tij nuk e ka marrë mirë iniciativën e Napolit. E tani, siç zbulon 'Sky Sport', ai pret që drejtuesit të bëjnë një hap prapa për atë që ndodhi duke i kërkuar falje.
Lexo më tej: Gjeste zemërimi e pakënaqësie, Garcia përplaset me Osimhen: nigeriani kërkon falje para shokëve të skuadrës
Me kontratën e Osimhen që skadon në vitin 2025, duke qenë se rinovimi ende nuk është përfunduar, pavarësisht një vere të gjatë negociatash, një shkelje e këtij lloji mund të çojë në transferimin e sulmuesit verën e ardhshme apo edhe në janar.
