Joe Jonas dyshohet se e kapi Sophie Turner duke folur keq për të në kamerën e tyre Ring përpara ndarjes.
"Nuk ishte asgjë më shumë se kaq," tha një burim i brendshëm për US Weekly të mërkurën. "Por kjo i dha fund gjithckaje."
Burime të shumta i thanë më parë TMZ se këngëtari kishte parë gruan e tij duke thënë ose duke bërë diçka që e bëri të kuptonte se martesa e tyre kishte marrë fund. Detajet e asaj që aktorja e "Game of Thrones" tha në të vërtetë nuk dihen, por mjaftoi që Jonas të dorëzonte kërkesën për divorc në fillim të shtatorit pas katër vitesh martesë.
TMZ më pas raportoi se të dy kishin përjetuar disa probleme për disa kohë dhe Jonas ishte kujdesur për dy vajzat e tyre "gati gjatë gjithë kohës".
Pavarësisht raportimeve, artisti u përpoq të luftonte thashethemet duke postuar një foto në Instagram ku dukej unaza e tij e martesës. Megjithatë lajmi u bë publik pas Sophie" paditi ish-in e saj se ai po refuzonte të dorëzonte pasaportat e fëmijëve në mënyrë që t'i pengonte ata të largoheshin nga SHBA-ja.
Tani për tani, ish çifti kanë rënë dakord që fëmijët e tyre do të qëndrojnë në Nju Jork ndërsa po punojnë për divorcin e tyre./Lapsi.al
