Një incident ka ndodhur mesditën e sotme në Tiranë në një karburant në rrugën “Sadik Petrela”, ku është çarë një tub gazi i karburantit.
Banorët rreth karburantit janë evakuuar dhe për çështje sigurie është bllokuar përkohësisht rruga e urës së Shkozës dhe perimetri që ka rrezikshmëri.
Në vendngjarje ndodhen shërbimet e Policisë, të ambulancës dhe të zjarrfikëses, dhe teknikët të cilët po punojnë për rregullimin e defektit.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
