Gérard Depardieu ka adresuar akuzat për përdh*nim dhe sulm se*sual të bëra kundër tij në vitet e fundit, duke iu drejtuar rasteve në një letër të hapur në gazetën Le Figaro.
“Nuk mund ta lej me aq që thjesht të dëgjoj apo lexoj gjëra për veten time dhe mos të reagoj. Mendova se nuk më interesonte, por jo. E gjithë kjo ndikon tek unë”, ka shkruar ai.
Një akuzë për përdh*nim kundër aktorit francez, e bërë nga aktorja Charlotte Arnould në vitin 2018, aktualisht po kalon nëpër gjykata.
Për më tepër, faqja e internetit investigative e lajmeve Mediapart publikoi një raport të thelluar në prill në të cilin 13 gra akuzuan aktorin për sjellje të papërshtatshme se*suale, ndërsa stacioni radiofonik France Inter raportoi dy akuza të reja gjatë verës.
Depardieu mohoi akuzat në një letër të hapur të botuar në faqen e internetit të gazetës Le Figaro të dielën mbrëma dhe me titullin "Më në fund dua t'ju them të vërtetën".
Ai iu drejtua akuzës të ngritur ndaj tij nga Arnould, pa dhënë emrin e saj, duke sugjeruar se ajo kishte ardhur me konsensus në dhomën e tij. Aktorja, prindërit e së cilës ishin të miq të vjetër të Depardieu, fillimisht iu afrua aktorit me shpresën se do të punonte me të në një shfaqje për nder të këngëtares franceze Barbara.
“Sot nuk mund të këndoj më për Barbara sepse një grua që donte të këndonte për nder të saj me mua më akuzoi për përdh*nim. Më në fund dua t'ju them të vërtetën time. Nuk kam abuuzuar kurrë me një grua”, ka shkruar ai.
“Një grua erdhi në shtëpinë time për herë të parë dhe u ngjit në dhomën time me dëshirën e saj. Ajo sot thotë se aty është përdh*nuar,” vazhdoi aktori./Lapsi.al
