Ministrja e Jashtme e Kosovës, Donika Gërvalla ka komentuar deklaratat e kryeministrit Edi Rama në lidhje me veroiun e Kosovës. Në një deklaratë për mediat, Gërvalla ka theksuar se sovraniteti i Kosovës nuk duhet të diskutohet nga askush.
Gërvalla u shpreh se Kosova nuk ka asnjë shtetet më afër sesa Shqipëria dhe për këtë kërkoi më shumë kujdes në lidhje me deklaratat që dalin. Po ashtu ajo ka shtuar se nuk është e nevojshme për një konferencë paqeje, pasi Kosova nuk është objekt por subjekt.
Pjesë nga intervista:
Pyetje: Rolin e Shqipërisë si e keni parë, marrë shkas edhe nga deklaratat e Ramës që KFOR të kontrollojë veriun e Kosovës, por edhe që veri u është tokë e askujt
Gërvalla: Veriu është pjesë e Kosovës, e një shteti sovran dhe të pavarur dhe Kosova si e tillë është pjesë e bashkësisë ndërkombëtare. Sovraniteti i Kosovës nuk duhet të diskutohet nga askush. Nganjëherë ka deklarata që të bëjnë të habitesh shumë. Nuk do doja të komentoja kryeministrin e Shqipërisë dhe të ndikojë në thellimin e keqkuptimeve, përveç një arsye sepse Kosova nuk ka asnjë shtet më afër sesa Shqipëria dhe bashkëpunimi është i jashtëzakonshëm. Pavarësisht deklaratave publike, ministritë tona, bizneset tona qytetarët tanë bashkëpunojnë në një rrafsh të jashtëzakonshëm si kurrë më parë, prandaj të gjithë së bashku do të duhej të flisnim më pak dhe të shihni si mund ti ndihmojmë situatës më shumë
Pyetje: A jeni pro idesë franko gjerman? Është ide e kryeministrit Rama për konferencë paqe?
Gërvalla: Unë nuk e kam dëgjuar, nuk ka nevojë për konferenca paqe. Konferencat e paqes janë bërë në kohën e luftërave ballkanike. Kosova nuk është objekt, por është subjekt. Kosova ka subjektivitetin e saj dhe si subjektivet Kosova merr pjesë në të gjitha forumet. Bëj thirrje që në vend të deklarimeve të pamatura duhet një bashkërendim, një bisedim me i sinqertë për të zgjidhur situatat
