Më shumë se një dekadë pas ndarjes së saj nga jeta, muzika e Amy Winehouse është ende duke arritur sukses masiv.
Këtë javë, klipi muzikor i këngëtares së ndjerë fituese të Grammy për këngën hit të vitit 2007 "Back to Black" tejkaloi një miliard shikime në YouTube.
Drejtuar nga Phil Griffin, videoklipi muzikor bardh e zi portretizon Winehouse duke marrë pjesë në një varrim, ku një gur varri lexon, "R.I.P. Zemra e Amy Winehouse", megjithëse imazhet u hoqën pas vdeekjes së saj në vitin 2011 nga helmimi me alk00l në moshën 27-vjeçare.
"Back to Black" u shkrua nga Mark Ronson dhe Winehouse, e frymëzuar nga marrëdhënia e saj e trazuar me ish-bashkëshortin Blake Fielder-Civil.
E lëshuar në albumin e saj të vitit 2007 me të njëjtin emër, "Back to Black" fillimisht arriti në vendin e 25-të në tabelën e këngëve në Mbretërinë e Bashkuar atë vit përpara se të arrinte në vendin e 8-të pas vdeekjes së Winehouse. Që atëherë, është bërë një nga hitet e saj të njohura dhe ka patur shumë versione të këngës, duke përfshirë një nga Beyoncé dhe André 3000 për filmin e vitit 2013 The Great Gatsby.
Vitin e kaluar, Ronson foli për përvojën e tij në bashkë-shkrimin dhe prodhimin e këngës me Winehouse dhe ndau vokale të padëgjuara më parë nga këngëtarja në një video të TikTok.
"Përshëndetje, unë jam Mark Ronson. Për ata që mund të mos më njihni, unë shkrova këngën "Back to Black" me Amy Winehouse rreth 15 vjet më parë në këtë piano, pikërisht këtu," tha muzikanti në klip, duke u treguar fansave pianon e madhe ku ka punuar me Winehouse./Lapsi.al
