Në një sulm të befasishëm, këtë të shtunë qindra raketa u lëshuan në qytetin e Tel Aviv nga grupi palestinez i drejtuar nga Hammas-i. Si rrjedhojë e këtij sulmi të paktën 200 izraelitë kanë mbetur të vrarë. Po ashtu, 1,452 persona kanë mbetur të plagosur.
Brenda pak orësh, Izraeli iu kundërpërgjigj militantëve me agresion ajror në Gaza. Kryeministri i Izraelit, Benjamin Netanyahu, ka thënë se Izraeli është “në luftë”, pasi militantët e Hamasit sulmuan vendin. Nga ofensiva rezulton se kanë vdekur 232 palestinezë. Ndërkohë, më shumë se 1600 persona janë plagosur.
Për të trajtuar situatën në Lindjen e Mesme, Këshilli i Sigurimit i OKB-së do të mbajë një takim urgjent të dielën.
