Studentët e Universitetit të Mjekësisë vijojnë edhe ditën e sotme protestën kundër ligjit që i detyron ata të qëndrojnë në Shqipëri pas mbarimit të shkollës. Dy ditë më parë studentët bën të njohur tre kërkesat ndaj qeverisë dhe njoftuan dërgimin e ligjit në Gjykatën Kushtetuese. Protesta e tyre ka hyrë në javën e dytë dhe mësohet se nga vitet e dyta deri në vitet e gjashta studentët kanë bojkotuar plotësisht.
"Pezullimi i ligjit dhe lënia e vendimit nga Gjykata Kushtetuese; hapja e një diskutimi nga Ministria e Shëndetësisë në lidhje me kushtet e tarifat dhe dorëheqja e zv.Ministre Albana Tole për deklaratën skandaloze. Nga viti i dytë deri në vitin e gjashtë ka një bojkot total. Vetëm një pjesë e vitit të parë ka mbetur pa ardhur në protestë.", është shprehur një nga studentët.
