Bashkia e Librazhdit ka dhënë me qira për një subjekt privat, një sipërfaqe prej rerth 12 hektarësh pyje dhe kullota. Banorët e fshatit Dragostunjë që preken nga ky vendim kanë protestuar këtë të diel, duke akuzuar bashkinë Librazhd se po u merr pronat që i shfrytëzojnë prej dekadash.
Dhjetëra banorë të fshatit Dragostunjë në Librazhd, protestuan këtë të dielë, duke kundërshtuar një vendim të Këshillit Bashkiak që jep me qira në këtë zonë, një sipërfaqe prej rreth 10 hektarësh tok në favor të një subjekti privat.
Banorët pretendojnë se sipërfaqja e kullotës, që deri dje përdorej për nevojat e fshatit, sot po i jepet një subjekti privat, duke lënë dhjetëra banorë të zonë pa kullota për bagëtitë.
Për më tepër, sipas banorëve, vendimi i këshillit bashkiak është marrë pa konsultim publik me komunitetin.
Nga ana e bashkisë Librazhd, shkoi në fshatin Dragostunjë shefi i policisë bashkiake, Faik Balla, i cili në vend t`u ofronte zgjidhje banorë, i ka kërcënuar me ndjekje penale.
Banorët e Dragostunjës kanë pasur edhe një përballje verbale me një qytetar të quajtur Dashamir Bahiti, i cili dyshohet se ka marrë me qira sipërfaqen e kullotave dhe pyjeve nga bashkia Librazhd.
