Banorët e fshatit turistik të Thethit protestojnë kundër prishjes së ndërtimeve në zonën e tyre. Ata janë njoftuar se sot do të kishte një aksion të IKMT për prishjen e ndertimeve pa leje. Banorët dolën në pritje të IKMT-s në rrugën e Qafë Thores, por ardhja e inspektoreve pas kësaj protestë është anuluar.
Banorët e Thethit shprehen se janë ndër shekuj pronarë të tokave të trashëguara brez pas brezi ku kanë ndërtuar bujtinat e tyre. Ata e cilësojnë plotësisht të padrejtë prishjen e ndërtimeve që janë bërë me mund nga ana e tyre.
[video width="848" height="480" mp4="https://cdnimpuls.com/lapsi.al/wp-content/uploads/2023/10/WhatsApp-Video-2023-10-16-at-10.00.55.mp4"][/video]
Banorët kërkojnë që të ulen në bisedime dhe të gjendet një zgjidhje për pajisen me certifikata pronësie e ndalimin e prishjes së ndërtimeve sepse kjo do të sillte shkatërrimin e këtij fshati turistik që vizitohet nga mijëra turistë. Banorët thonë se nuk do të lejojnë prishjen e ndërtimeve që kanë ngritur me sakrificë në tokat e të parëve.
