Ish-kryeministri Sali Berisha ka dalë në një konferencë nga selia e PD-së ku ka folur për arrestimin e dhëndrit të tij dhe masën e sigurisë së caktuar ndaj tij.
Që në nisje të fjalës së tij Berisha sulmoi ashpër kryeministrin Rama, duke i përmendur disa afera.
"Edi Rama ka hyrë në agoninë e tij politike, ai i tronditur gjer ne palcë nga krimet e tij nga aferat në të cilat nuk ka drejtësi që e shpëton. Afera McGonigal, afera e djegësve, e e Butrintit...Edi Rama pasi ka humbur mandatin e deputetit siç thotë kushtetuta me tenderat që ka fituar në kundërshtim me kushtetutën dhe ligjet. Me tenderat që ka fituar fangu apo burri i motrën së Linda Ramës. Ai nuk është më deputet i Kuvendit. Edi Rama pasi ka grabitur në mënyrë suksesive votën e shqiptarëve dhe bëri. Ai urdhëroi prokurorët e tij mercenarë të akuzuar për fshehje dokumentesh dhe manipulim dosjesh për të lëshuar urdhër në kundërshtim me kushtetutën, nenin 73 të saj i cili përcakton se liria e deputetit në çdo formë lëvizje nuk mund të cënohet pa miratim të parlamentit.", ka thënë Berisha.
