Lupita Nyong'o mori pjesë në tapetin e saj të kuq të parë pas ndarjes nga Selema Masekela.
Aktorja ishte e pranishme në GO Gala të GO Campaign 2023 të shtunën, vetëm dy ditë pasi njoftoi ndarjen e saj nga Masekela. Në event ishin tëpranishëm gjithashtu Robert Pattinson, Suki Waterhouse dhe Robin Wright,.
“Ne gjejmë dhe verifikojmë heronj të jashtëzakonshëm vendas dhe i sjellim ata tek ju dhe ju themi, ‘Ndihmoni që ëndrrat e tyre të realizohen, ndihmoni në realizimin e vizionit të tyre dhe shpëtimin e jetëve të fëmijëve’”, tha themeluesi dhe CEO Scott Fifer për PEOPLE në gala.
“Heronjtë tanë vendas në mbarë botën, ata përfaqësojnë shpresën më shumë se kushdo që kam takuar ndonjëherë më parë, sepse ata janë në vijën e parë të varfërisë,” shtoi ai. “Ata janë në vijën e parë të paqes. Ata janë në vijën e parë për ta bërë planetin tonë një vend më të mirë dhe një vend më të shëndetshëm për fëmijët.”
Dy ditë para se të dilte në gala bamirësie, Nyong'o njoftoi ndarjen e saj nga Masekela – me të cilën ajo kishte dalë publikisht që nga dhjetori 2022 – në një postim në Instagram.
Fituesja e Oskarit filloi duke pranuar se "ka gjëra shumë më të rëndësishme në botë që po ndodhin tani dhe mendimet e mia janë me ata që vuajnë thellësisht".
“Në këtë moment, është e nevojshme që unë të ndaj një të vërtetë personale dhe të shkëputem publikisht nga dikush që nuk mund t’i besoj më”, ka shkruar ajo. "Unë e gjej veten zemërthyer për shkak të një dashurie të shuar papritur dhe shkatërruar nga mashtrimi."/Lapsi.al
