Tensione në Kryesinë e Kuvendit mes deputetëve të PD dhe Gardës së Republikës. Këta të fundit nuk lejojnë deputetët e përjashtuar të futen në ambientet e brendshme, ku ditën e sotme do të mbahen disa komisione.
Të gjendur përballë këtij bllokimi, ata kanë debatuar me gardën e cila qëndronte në dy anët e derës.
"Keni pirë raki? Keni pirë mall? Si prekni deputetët e opozitës"- dëgjohet të thonë disa nga deputetët e PD-së.
Dita e sotme nis me një axhendë të ngjeshur në komisione. Në rendin e ditës janë parashikuar mbledhja e 5 komisioneve parlamentare, ai i Ekonomisë, Ligjeve, Shëndetësisë, Politika e Jashtme dhe Veprimtaria Prodhuese ku kryefjalë është projekt-buxheti i vitit 2024. Për shkak se opozita ka vendosur të bllokojë komisionet, PS vendosi që mbledhjet të zhvillohen online.
