Numri i përgjithshëm i vdekjeve palestineze në Gaza arriti në 10,022 që nga fillimi i raundit të fundit të konfliktit Hamas-Izrael më 7 tetor, tha ministria e shëndetësisë e Gazës.
Zëdhënësi i ministrisë Ashraf Al-Qudra tha gjatë një konference për shtyp në qytetin e Gazës se vdekjet përfshinin 4,104 fëmijë dhe 2,641 gra, ndërsa të plagosurit u rritën në 25,408.
Ndërkohë, kishte 2,350 raportime për njerëz të zhdukur nën rrënoja, duke përfshirë rreth 1,300 fëmijë, vuri në dukje ai.
Al-Qudra tha se, ushtria izraelite kreu 19 vrasje të mëdha që morën jetën e 252 personave.
Sipas zëdhënësit, Izraeli ka shënjestruar 113 objekte të kujdesit shëndetësor dhe 32 ambulanca në Gaza që nga 7 tetori, duke vrarë gjithsej 192 punonjës të kujdesit shëndetësor.
Rreth 16 spitale dhe 32 qendra të kujdesit parësor janë nxjerrë jashtë shërbimit, shtoi ai.
Nga ana izraelite, më shumë se 1400 njerëz humbën jetën, shumica dërrmuese në sulmin e Hamasit më 7 tetor, i cili shkaktoi konfliktin e vazhdueshëm.
