Gazeta greke “Kathimerini” shkruan se Athina zyrtare i ka vendosur bllokadën e parë Shqipërisë në rrugën e integrimit në BE.
Sipas gazetës për shkak të burgosjes së Fredi Belerit, Greqia nuk ka dhënë pëlqimin për një letër të 27 vendeve të BE-së për fillimin e negociatave për kapitujt e parë me Shqipërinë. Për Maqedoninë, Greqia dha “dritën jeshile” dhe për Shqipërinë të “kuqe”.
Pesë kapitujt
Vlen të theksohet se paketa e parë për çështjet themelore që duhet të zgjidhë çdo vend kandidat përfshinë pesë kapituj, përkatësisht ata që kanë të bëjnë me:
Së pari, gjyqësori dhe të drejtat themelore.
Së dyti, drejtësia, liria dhe siguria.
Së treti, prokurimi publik.
Së katërti, statistikat.
Dhe së pesti, kontrolli financiar.
“Është e qartë se Athina mund të rishikojë qëndrimin e saj nëse Tirana ecën përpara për të treguar se ka vend për diskutim dhe jo një shfaqje force nga ana e zotit Rama, brenda apo jashtë” shkruan gazeta greke.
