“Jam thellësisht i shokuar e i tronditur për ndarjen e parakohshme nga jeta të lojtarit të Egnatias, Raphael Dwamena”. Me këto fjalë nis mesazhi i Presidentit të FSHF-së, Armand Duka, për sulmuesin ganez që humbi jetën sot në fushë. Dwamena u rrëzua përtokë në minutën e 24’ të krye-ndeshjes Egnatia-Partizani e mjekët nuk arritën ti shpëtonin dot jetën pavarësisht përpjekjeve.
Duka ka vlerësuar kualitetet dhe njeriu që Raphael ishte, duke u bërë protagonist në fare pak kohë. Dwamena erdhi në janar të vitit 2022, kur te Egnatia ishte trajner Shpëtim Duro. Atëherë tekniku thoshte, ‘po vjen një lojtar i jashtzakonshëm për Shqipërinë’. E Dwamena ishte i tillë. “Një lojtar i fortë, me shpirt gare, një futbollist që edhe në statistikat e FSHF dhe të Superiores, kishte rekordin më të mirë të golave” thotë Duka. Ganezi me gjysëm sezoni, shënoi 11 gola duke u renditur i treti në listën e golashënuesve, renditje që u fitua nga Hasani me 16 gola. Në këtë edicion ai kryesonte sërisht klasifikimin me 9 gola
Në fund, nuk mund të mungonin as ngushëllimet për familjen e Raphael: “Në emër të FSHF i shpreh ngushëllimet e mia familjarëve të futbollistit dhe vetë ekipit të Egnatias ku ai kontribuoi dhe shkëlqeu në këtë karrierë të tillë futbollistike. Rest in peace Raphael Dwamena”.
Lexo më tej: Nwabueze nuk u bë mësim: amerikani kishte probleme në zemër, por ishte më me fat se Dwamena
REAGIMI I KREUT TË FSHF-së
Jam thellësisht i shokuar e i tronditur për ndarjen e parakohshme nga jeta të lojtarit të Egnatias, Raphael Dwamena.
Një lojtar i fortë, me shpirt gare, një futbollist që edhe në statistikat e FSHF dhe të Superiores, kishte rekordin më të mirë të golave.
Dwamena tregonte disiplinë e karakter dhe një futbollist që kishte komunikim të jashtëzakonshëm me shokët e ekipit, por edhe jashtë tij.
Në emër të FSHF i shpreh ngushëllimet e mia familjarëve të futbollistit dhe vetë ekipit të Egnatias ku ai kontribuoi dhe shkëlqeu në këtë karrierë të tillë futbollistike. Rest in peace Raphael Dwamena!
