Lavdinë e kombëtares së Shqipërisë duan ta prekin të gjithë, qoftë ky edhe kryeministri i Shqipërisë. Kreu i qeverisë Edi Rama, në fakt, ka vizituar kuqezinjtë, i shoqëruar me Presidentin e FSHF-së, Armand Duka. Qëllimi natyrisht ishte për t'i uruar skuadrës suksese para ndeshjes me Moldavinë. "Detyrat tuaja ju i dini vetë - tha Rama -, nuk ka nevojë t’ua tregoj unë e t’ju flas unë. Ju e keni nderuar këtë fanellë deri tani, e keni rrit shumë stekën dhe pritshmëritë”.
Një takim mes batutash, që Kryeministrit nuk i mungojnë e që konfirmojnë, atë që dihej, se mardhëniet me Dukën tani janë miqësore dhe e shkuara është lënë pas. “Të them të drejtën, që kur ju kam parë juve në fillim, i thashë (Dukës) që mbaje mend që kjo punë ka për të shkuar mirë, sepse këta luajnë futboll. E them këtë në kuptimin që mbajmë topin. Kemi bërë edhe disa fitore më parë, por top nuk kemi mbajtur me thënë të drejtën. Tani jeni përzier mirë, disa me eksperiencë, disa të rinj, kështu që unë erdha vetëm që t’ju shoh, t’ju uroj sukses. Unë shpresoj shumë të shkojë mirë" e mbylli Rama, që mori dhuratë fanellën e kapitenit Berat Gjimshiti me numër 6.
Lexo më tej: Video/ “Nuk kanë asgjë për të humbur”: Etrit Berisha sposton presionin mbi Moldavinë
DUKA: MENDONI VETËM PËR MOLDAVINË
Presidenti i FSHF-së pastaj, me kortezinë e atyre që dinë kujt ia bëjnë, falenderoi Ramën dhe i tërhoqi vëmendjen lojtarëve se asgjë nuk ka mbaruar: "Jeni vërtetë më të mire, por atë duhet ta tregoni në fushë. Nuk dua të zgjatem shumë. Dua ta falënderoj edhe një herë kryeministrin që është sot me ne. Duhet të përqendrohemi te Moldavia. Asnjëherë mos mendoni se kemi dy ndeshje. Trajneri thotë që kemi dy finale, ju mendoni për një finale: Moldavia”, tha Duka duke uruar që Kombëtarja të kthehet me fitore nga Moldavia.
https://youtu.be/03zy2W3ldvk
